DÍA DA PAZ CON YAYOI

Este curso, para celebrar o Día da Paz, creamos no cole entre tod@s un “espazo infinito”, inspirándonos na artista xaponesa Yayoi Kusama.

A idea inicial era aproveitar a conmemoración deste día  para construír un Espazo da Igualdade, que nos servira para expoñer todas as producións que se ían facendo nas aulas relacionadas coa igualdade, coa inclusión,  coa diversidade…

Partimos do libro “De aquí ao infinito” desta muller tan especial, que foi lido en todas as clases. Logo creamos un espazo, con todo en branco, no corredor da planta baixa. 

Cada clase acudiu alí co profesorado, o mesmo día da Paz e foron pegando os seus círculos de cores, como nas obras de Yayoi.

Tamén as familias se animaron a deixar a súa pegada.

 Ata crear entre todos ese espazo de Paz e Igualdade tan especial.

Neste espacio, permanente no noso centro, iremos colocando os traballos relacionados coa IGUALDADE e a DIVERSIDADE.